Monteneqro NATO-ya bu ilin iyun ayında üzv olacaq
Novator.az-ın məlumatına görə, qurumun baş katibi Yens Stoltenberq mayın 24-də belə açıqlama verib.
Monteneqro NATO-da müşahidəçi statusundadır. Ötən il mayın 19-da Monteneqronun alyansa qəbul edilməsi haqda protokol imzalanıb.
Yens Stoltenberq deyib ki, alyansa daxil olan ölkələr protokolun ratifikasiyasını başa çatdırmaq üzrədir, bununla da Monteneqro NATO-nun 29-cu üzvü olmaq imkanı qazanır.
1949-cu ildə yaradılmış NATO-ya hazırda 28 ölkə daxildir: ABŞ, Kanada, Türkiyə, İslandiya, Almaniya, Belçika, Norveç, Bolqarıstan, Böyük Britaniya, Çexiya, Danimarka, Estoniya, Fransa, Xorvatiya, İspaniya, İtaliya, Latviya, Litva, Lüksemburq, Macarıstan, Niderland, Polşa, Portuqaliya, Rumıniya, Slovakiya, Sloveniya, Yunanıstan, Albaniya.
MilliYol.Az
